תהילים פרק קיג
א הַלְלוּיָהּ | הַלְלוּ עַבְדֵי יְהוָׁה הַלְלוּ אֶת־שֵׁם יְהוָׁה:
ב יְהִי שֵׁם יְהוָׁה מְבֹרָךְ מֵעַתָּה וְעַד־עוֹלָם:
ג מִמִּזְרַח־שֶׁמֶשׁ עַד־מְבוֹאוֹ מְהֻלָּל שֵׁם יְהוָׁה:
ד רָם עַל־כָּל־גּוֹיִם | יְהוָׁה עַל הַשָּׁמַיִם כְּבוֹדוֹ:
ה מִי כַּיהוָׁה אֱלֹהֵינוּ הַמַּגְבִּיהִי לָשָׁבֶת:
ו הַמַּשְׁפִּילִי לִרְאוֹת בַּשָּׁמַיִם וּבָאָרֶץ:
ז מְקִימִי מֵעָפָר דָּל מֵאַשְׁפֹּת יָרִים אֶבְיוֹן:
ח לְהוֹשִׁיבִי עִם־נְדִיבִים עִם נְדִיבֵי עַמּוֹ:
ט מוֹשִׁיבִי | עֲקֶרֶת הַבַּיִת אֵם־הַבָּנִים שְׂמֵחָה הַלְלוּיָהּ:
ב יְהִי שֵׁם יְהוָׁה מְבֹרָךְ מֵעַתָּה וְעַד־עוֹלָם:
ג מִמִּזְרַח־שֶׁמֶשׁ עַד־מְבוֹאוֹ מְהֻלָּל שֵׁם יְהוָׁה:
ד רָם עַל־כָּל־גּוֹיִם | יְהוָׁה עַל הַשָּׁמַיִם כְּבוֹדוֹ:
ה מִי כַּיהוָׁה אֱלֹהֵינוּ הַמַּגְבִּיהִי לָשָׁבֶת:
ו הַמַּשְׁפִּילִי לִרְאוֹת בַּשָּׁמַיִם וּבָאָרֶץ:
ז מְקִימִי מֵעָפָר דָּל מֵאַשְׁפֹּת יָרִים אֶבְיוֹן:
ח לְהוֹשִׁיבִי עִם־נְדִיבִים עִם נְדִיבֵי עַמּוֹ:
ט מוֹשִׁיבִי | עֲקֶרֶת הַבַּיִת אֵם־הַבָּנִים שְׂמֵחָה הַלְלוּיָהּ: